William.Dunker

Dji n'vos tchantré né des trissès tchansons
Adon k'èm keûr èst skèté t'a boukès...
L'èspwêr n'èst né moûrt èyè l'bèle sézon
N'èst né t'a fét-oute avou lès-èrgrèts
Ki sont co dins m'tièsse come lès fouyes
su lès couches.
Dimwin, èles tchéront come mès rèfes a l'disblouke.
El solia lût co dins mès-îs
Paskè mi, dji l'wé co voltî...
Come in sot, dji pinse a sès mwins
Ki m'ont doné yè pri tèl'mint
Di tinrûlisté yè d'amoûr,
Les plus bèlès pîres d'ès trézoûr...
Pou çoula, dji n'pol'ré l'rouvî
Et toudi, dj'èl viré voltî...

Sâra-t-èle trisse ou bén gueye, èm tchanson?
Ele s'éva l'campagne avou les mouchons
Et lès fouyes bréy'nut kand dji rote dissu
Dins lès pîssintes ki nos-avît vèyu
Tous lès deûs-èchène au timps des tabaréyes
Et ki m'viront miérseû sakantès-anéyes...
Di rouzèye, mes-îs sont frèchis,
Dji seû z-èwaré dins l'brouyârd,
L'èspèsse breune muchant lès pachis...

El blanc tchén vénra-t-i, azârd,
Tchèssi les tinres bédots du cièl
Pou rglati su'l têre refrèdîye,
Et vos, bèle di laume, leune di mièl,
Viré-dje co vo biaté chérîye?

Adon, dji voureu k'èm tchanson fuche guéye,
K'èl tristèsse s'édaliche avou l'brouyârd...
Min, sins lèye, pus rén n'èrtchaufra m'vikrèye...
L'iviêr arrif èt mi, come in bauyârd...
Dji d'meure sins sawè comin dji' pou co vikî,
Asteur k'èle n'èst pus rôci pou m'vîr voltî...
Achîd sins djwè su l'âbe djondu,
Dji pinse tout sèrant mes deûs-îs
Et dins m'tièsse, l'amoûr n'èst né dju...
Rola, èle mè wèt co voltî...
Dins l'grand bos tout blanc d'rèle, dji tûze
Et dji n'vou né k'çoula finiche...
Lèyèz m'vèrzinér mès babûzes...
A l'awète, dji ratin l'blanke biche

Adon, dji l'wè t'au d'bout du tch'mwin
Et aviè lèye, dji tins mès mwins...

Je ne vous chanterai pas de tristes chansons
Alors que mon cœur est brisé en morceaux
L'espoir n'est pas mort et la belle saison
N'est pas tout à fait finie avec les regrets
Qui sont encore dans ma tête, comme les feuilles
sur les branches
Demain, elles tomberont comme mes rêves en débâcle.
Le soleil luit encore dans mes yeux
Parce que je l'aime encore...
Comme un sot, je pense à ses mains
Qui m'ont donné et pris tellement
De tendresse et d'amour
Les plus belles pierres de son trésor
Pour cela, je ne pourrai l'oublier
Et toujours je l'aimerai...

Sera-t-elle triste ou bien gaie, ma chanson?
L'été s'en va avec les oiseaux,
Et les feuilles mortes pleurent quand je marche dessus
Dans les sentiers qui nous avaient vus
Ensemble au temps des jonquilles,
Et qui me verront seul ces quelques années...
Mes yeux sont embrumés de rosée,
Je suis égaré dans le brouillard,
L'épaisse brume qui cache les prés.

Le soleil levant viendra-t-il, par hasard,
Chasser les tendres moutons du ciel
Pour briller sur la terre refroidie,
Et vous, belle de miel, lune de miel,
Verrai-je encore votre beauté chérie ?

Alors, je voudrais que ma chanson soit gaie,
Que la tristesse s'en aille avec le brouillard...
Mais sans elle, plus rien ne réchauffera mon existence...
L'hiver arrive et moi, comme un idiot,
Je reste sans savoir comment je peux encore vivre
Maintenant qu'elle n'est plus ici pour m'aimer.
Assis sans joie sur l'arbre foudroyé,
Je pense en fermant les yeux
Et dans ma tête, l'amour n'est pas mort...
Là, elle m'aime encore
Dans le grand bois tout blanc de gel
Je pense et je ne veux pas que cela finisse
Laissez moi ruminer mes sornettes...
Aux aguets, j'attends la blanche biche

Et je la vois au bout du chemin
Et vers elle, je tends les mains...

Baby, n'vo édalez né
Vos allé tou m'desavirer
Sin vos d'ji n'sé pu à quim'date
Dji seu dins l'desbine el bernate

Né m'leyè né tou seu baby
Né m'leyé né in plan droçi
En n'coureu né t'au long baby
E' rvènet a l'maujo d'lé mi

Tchaitez m'pauf coeur tout à ferloke
Qui tokteye come un sot l'berloke
Sin vos d'ji seu fwar disbautchi
Dji voureu tant vos rasteni

Dji né r'louperez plus tant d'crasse pinte
Y'eune au côp, ça n'est né une minte
Dji s'rai plus d'jinti à don
C'est mi qui r'lav'ra les bidons

Sin vos pu rèn m'fé plaiji
Gn'y a pu k'vos pou rapauji
Baby d'ji vo wè pu volti
Savé qu'el purnelle di mes îs

Sin vo d'ji seu tout a'l disblouke
Et comm' djeu toudi Malbrouke
Honni fuchisse qui mal y pense
Mi d'ji vo wè volti plen m'panse.

Baby, ne vous en allez pas.
Vous allez tout me chavirer...
Sans vous je ne sais à qui me vouer
Je suis dans la débine et la mouise

Ne me laissez pas tout seul, bébé
Ne me laissez pas en plan ici
Ne partez pas au loin, Baby
Revenez à la maison près de moi

Écoutez mon pauvre cœur tout en lambeaux
Qui bat comme un fou la chamade
Sans vous je suis très malheureux
Je voudrais tant vous retenir

Je n'avalerai plus tant de bière
Une seule à la fois, ce n'est pas un mensonge
je serai plus gentil
Alors je ferai la vaisselle

Sans vous plus rien ne me fait plaisir
Il n'y a que vous pour m'apaiser
Baby, je vous aime encore plus
Que la prunelle de mes yeux

Sans vous je suis tout en débâcle
Et comme disait toujours Malbrough
Honni soit qui mal y pense
Moi, je vous aime de tout mon cœur

C'asteut-a l'pikète du djoû,
El gnût n'asteut né t'a fét-oute,
C'asteut-a l'pikète du djoû,
Dins l'gare, gn'aveut mès-omes ki boute-
Nut yè mi ki n'fout maye rén,
Is ratindît l'preumî vagon,
Yè mi, l'rouleû, l'vagabond
L'soûléye, dji n'ratindeu pus rén...
I brouzineut dins mes-îs,
D'j'asteu come in vî tchén frèchi...
Pièrdu...au trô du cu dèl gnût,
Dès ardiès, i n'd'a pus nu...

C'asteut-a l'pikète du djoû,
Dji n'asteu né drwèt dins mès botes,
C'asteut-a l'pikète du djoû,
Ewaré dins l'breune dèl ribote,
Dji buveu pou m'dèsrostér
Ene djate di cafeu dins l'bufèt,
Pinsant-a lèye k'aveut dit:
"Dji vo wé pus-invi k'voltî!"
Lès-amoûrs parféts sont râles
Yè mi, kand-on m'èvoye au diâle,
Dji m'éva toudi z-au démon,
C'est co bén deûs-eûres pus lon...

Dji m'souvén, yêr a l'swèréye,
Il a tcheûd come ène lavèrdéye,
Ele m'a dit arvouye, adon
Dj'a bu la mèr èt les pèchons...
Asteûr, ça aroke dins m'tièsse,
Ca n'pout né toudi yèsse ène fièsse
Et su lès tch'mwins foûrmouyîs,
Dji seû z-in marin naufradjî,
Les "sirènes" sont dès-ûlôs
Gueûlant l'muzike du poûve, lauvau!
Sins èspwêr, a l'pikète du djoû,
Dji n'bré né t'ostant ki plout...

Asteur èl djoû va s'luvér,
Gn'âra pon d'soya, pon d'soya...
Eyè l'blanc tchén n'vénra né,
I ploût a sayas, a sayas...
Sins èspwêr, a l'pikète du djoû,
Dji n'bré né t'ostant ki plout...
Asteur, c'èst timps d'èralér,
Yè r'trouvér s'bèdèr, ès'bèdèr
Asteur, c'èst timps d'èralér,
Yè dôrmu come in nwêr, in nwêr...
Pièrdu...au trô du cu dèl gnût,
Dès ardiès, i n'da pus nu...